​Paulit-ulit na ipinakita ni Pangulong Rodrigo Roa Duterte na siya ay isang mapagpasya at mahabagin na pinuno na nakikinig sa mga alalahanin ng mga tao at ginagawa niya ang lahat sa kanyang kapangyarihan upang matulungan sila.

​Nasaksihan ko mismo ang kanyang pamumuno noong ako ay maging miyembro ng kanyang Gabinete. Ito ang isa sa mga dahilan kung bakit hindi ako nag-atubiling muling sumama sa kanyang pamamahala. Ang political will at pagiging maunawain ng Pangulo sa mga nangangailangan ay dalawa sa mga katangiang nagustuhan ko sa kanya. Ang Malasakit ay isa rin sa mga haligi ng plano niya sa pagpapaunlad ng kanyang administrasyon. Dahil din sa mga katangian niyang ito nananatiling malakas ang suporta sa kanya ng mga taong naniniwala na tama ang kanyang pamumuno.

​Sa panahong ito ng pandemya ng COVID-19 ang unang binibigyang halaga lagi ng Pangulo ay ang kapakanan ng mamamayan at ipinapakita niya ang kanyang matatag na pamumuno na hinahangaan ng marami. Tinitiyak niya na ang mga lubos na apektado ngCOVID-19 ay nakakakuha ng subsidy ng pamahalaan upang siguruhin na ang ekonomiya ay magbabalik habang binabalanse ang pangangailangang panatilihin ang pagsusuri sa kalusugan at kaligtasan ng mga tao. Lahat ng ito ay naging posible dahil sa kanyang mabilis at naaangkop na pagdedesisyon.

​Noong nakaraang linggo, nang malaman niya ang nakalulungkot na kalagayan ng maraming Overseas Filipino Workers (OFWs) na naghihintay ng resulta ng kanilang mga pagsusulit sa COVID-19, tinawagan niya ako agad upang hilingin sa akin na hingin ang tulong ng mga kaukulang ahensya para mapauwi na ang 24,000 mga OFWs.

​Sa pagtatapos ng linggong iyon, noong Mayo 25 hanggang Mayo 31, mayroong 25,002 na mga OFW na ang nakauwi. Noong Hunyo 5, may ilang 6,700 na karagdagang mga OFW pa ang muling nakabalik na sakanilang mga pamilya.

​At noong nakaraang linggo sa Davao, inutusan ng Pangulo ang agarang pagpapalabas ng mga benepisyo para sa mga health workers na may COVID-19 at para din sa pamilya ng mga health workers na pumanaw habang tinutupad ang kanilang mga tungkulin. Ito ay alinsunod sa panuntunan na nakasaad sa Bayanihan to Heal As One Act.

​Sa ilalim ng Bayanihan Act, ang mga health workers na malala ang sakit dahil sa komplikasyon ng COVID-19 ay bibigyan ng PhP100,000 na kabayaran. Ang pamilya ng mga health workers na nasasawi dahil sa COVID-19 aymakakatanggap ng PhP1 milyon.

​Binigyan ng Pangulo ang Department of Health (DOH) hanggang kahapon Hunyo 9 na maibigay ang nasabing benepisyo. Noong Hunyo 5, iniulat ng DOH na naipamahagi na nila ang unang batch na 32 na tseke para sa mga pamilya ng mga nasawing health workers. Ang pamamahagi ng natitirang mga tseke ay magiging kanilang prayoridad sa susunod na ilang araw.

​Sa parehong media briefing sa Davao, iniutos din sa akin ng Pangulo na sabihin sa kagawaran ng transportasyon na maglagay ng karagdagang mga ruta ng bus sa Metro Manila upang matulungan ang mga commuters na bumalik sa trabaho ngayon na ang NCR ay nasa ilalim na ng general community quarantine (GCQ). Ito ay matapos malaman ng Pangulo ang hirap ng mgacommuters sa pagpunta at paguwi mula sa kanilang trabaho dahil limitado pa rin ang pampublikong transportasyon.

​Sa utos ng Pangulo, binuksan ng Department of Transportation (DOTr) ang tatlong higit pang mga ruta ng bus noong Hunyo 8, bilang karagdagan sa walong mga ruta ng mga bus ng lungsod na binuksan noong nakaraang linggo. Ang tatlong bagong ruta ng bus ay ang Monumento-Balagtas, Bulacan; EDSA-Montalban, Rizal; at ang Ninoy Aquino International Airport Loop. Ang DOTr ay nakatakdang magbukas din ng mas rationalized na ruta sa mga susunod na araw bilang bahagi ng kanyang unti-unti at bahagyang pagpapatuloy ng pampublikong transportasyon na ipatutupad nito sa dalawang yugto.

​Sa panahong ito ng pandemya ng COVID-19, hindi nabigo si Pangulong Duterte na magpakita ng malasakit upang mapagaan ang pasanin ng sambayanang Pilipino. Pinatunayan niya nang paulit-ulit ang kanyang political willat mabilis na pagaksyon upang maihatid ang tunay at inclusive development.

Leave a Reply

Your email address will not be published. Required fields are marked *

15 − six =