Moabot sa duha ka milyon nga mga mamumuo ang walay trabaho samtang gipatuman ang enhanced community quarantine sa Luzon ug sa ubang dapit sa nasud.
Matud sa Department of Labor and Employment, nga moabot sa 2,073,362 ang walay trabaho base sa 79,271 ka mga negosyong apektado tungod sa ECQ.
Samtang, 687,000 ka mga mamumuo ang nakuhaan ang kita tungod sa mga gipatumang pagminus sa adlaw tingtrabaho ug forced leave ug uban pa.
Sa National Capital Region ang adunay labing daghan nga na-displace na worker nga moabot sa 687,634.
Ika duha ang Central Luzon (281,278), sunod ang Davao region (207,789) ug CALABARZON (158,646).
“About 90 percent of establishments which reported work displacements are seeking the CAMP [COVID-19 Adjustment Measures Program] assistance for their workers,” pamahayag sa DOLE.
Ubos sa CAMP, mohatag ang DOLE og P5,000 sa moabot sa 345,865 ka mga mamumuo nga apektado COVID-19 pandemic.