Kapitan nga giuhaw og ilimnon nakigtagay sa sa mga kawani sa Barangay Hall

Gisikop ang kapitan ug tulo niya ka mga kagawad ug tulo ka barangay tanod human sila maaktohi nga nag-unum atubangan sa barangay hall sa Barangay Dulag, Lingayen, Pangasinan niadtong Lunes, matud sa Lingayen Police Station (LPS).

Giila ni LPS chief-of-police P/Maj. Edgar Serguiña ang mga suspek nga silang Benjie Mararac, barangay chairman sa maong dapit barangay konsihal niini nga silang Jarwin Camilang; Arthur Rosario ug Eigie Mararac kauban ang barangay tanod nga silang Jaime Ferrer, Rubin Mangiralas ug ang gipangan nga “Harold”,mga molupyo sa maong barangay.

Sa imbestigasyon, matud ni Serguiña, ang kapitan maoy nag -una-una nga mag-inum sa atubangan sa ilang barangay hall ug usa ka concerned citizen ang mitawag sa LPS ug mipahibalo nag-inum ang mga suspek sa maong barangay hall nga wala gayud mahadlok sa mga molupyo aron makigtransaksyon.

Matud sa LPS, miingon ang mga molupyo sa Barangay Dulag, nga taliwala sa ilang panag-inum nagpabuto pa kini ug armas si barangay chairman Mararac nga giibot gikan aa iyang hawak.

“Nagkaroon din po ng kunting komosyon, dahil ayaw nilang mag pahuli dahil naka duty daw sila as barangay officials,”matud ni Serguiña.

Samtang, matud ni Lingayen Mayor Leopoldo Bataoil, nga dili niya palabyun ang gihimo sa mga suspek.

“Tayo dapat ang nangunguna sa pagpapatupag ng batas huwag po sana tayong sumuway upang ang ating taumbayan at respetuhin at sumunod sa ating patakaran,” matud ni Bataoil.

Gibilqnggo karon ang mga suspek sa LPS ug nagpatung patung ang kaso nga gisang-at batok kanila.