NBA: STAR, GLOBALPORT HAHABOL

STANDINGS
TEAMS                    W     L
x-Ginebra               7     2
x-Meralco               6     2
x-NLEX                   7     3
x-TNT                      6     3
x-SMB                     5     3
x-Rain or Shine      5     3
Star                         4     3
Blackwater              4     5
GlobalPort               3     5
Alaska                     3     6
y-Phoenix               2     8
y-KIA                       0     9

x — Quarterfinalists
y — Eliminated

Mga laro ngayon:
(Smart Araneta Coli­seum)
4:15 p.m. — Alaska vs. Meralco
7:00 p.m. — GlobalPort vs. Star

Papagningasin ng Star at GlobalPort ang luma­lamyang mga kampanya para sa quarterfinals na nasa homestretch nang PBA Governors’ Cup eliminations sa krusyal na sultada ngayong alas-siete ng gabi sa Smart Araneta Coliseum.

Sisikapin naman ng Alaska na maipagpatuloy ang umiinit na pagnanasa na makahabol pa rin sa Last Eight samantalang lalapit ang Meralco sa asintang top four fi­nish na may win-once bonus pagsapit ng playoffs.

Patiran ng losing-streak ang may tatlo, se­venth-running Star (4-3) at may back-to-back, nasa eight spot na GlobalPort (3-5), habang four conse­cutive wins ang asam nang nasa pangsiyam na Alaska (3-6) at kambal na salakay ang nais ng nasa segundang Meralco (6-2) para samahan din sa taas ang Ginebra.

“We need to have that sense of urgency to give our best every single game because coming from three game losing streak we need to bounce back hard and have proper mindset going into the game,” giit ni Chito Victolero na huling tumaob sa Meralco noong Sabado, 90-96.

“Very important game for us because of our situation right now,” hirit pa ng Hotshots coach.

Huling nalunod ang Global sa San Miguel Beer, 112-115, sa pa­ngalawang sunod na wala si prolific Fil-Am guard Stanley Pringle na naki­paglibing sa namatay na ama sa Estados Unidos pero bumalik na nitong Martes at nakiensayo na sa Batang Pier noong Miyerkules.

Nasa three-game winning run ang Alaska, pero nasa must-win situation, pati sa Rain or Shine sa Miyerkules para makasulong sa next round.

“This is tough situation for us. We have what is a must-win against one of the very best teams in our league,” ani Aces bench strategist Alex Compton.